日本東京7天自由行2012 - Day 4

Day 4  - 23/08 (星期四)   高尾山 (Mt. Takao)

未出發前見有blog友去高尾山，好有興趣，但無篇入行程內。 由於我倆今次無乜購物欲(可能物價太貴），所以今天放棄去銀座，秋葉原，池袋等shopping area，而改去高尾山遠足去。

我俩由新宿搭京王線(特急 - 向京王八王子方向行），車程約37分鐘 ; 在北野轉乘京王高尾綫到高尾山口站車程約16分鐘  (共370日圓)。

上山容易落山難！ 所以我倆先行上山，選擇了自然研究路6號路，再搭番吊車落山。

沿途清泉水澗，蟬聲不絕。 雖是星期四，但都好多日本人黎行山。

大約一個半鐘頭既路程，終於到達山頂。

呢啲好似桑拿房既其實係廁所。
 

藥王院

順路行到藥王院既精進料理，就在內用饍，素定食。

呢棵樹已有450年樹齡

 

飲飽茶，食飽齋，就開始行去搭吊車落山！架吊車都幾牙煙，無安全釦或攔桿，我動也不敢動。大約15分鐘就到山腳。   

我倆便回程番酒店hea, 浸番個浴鹽熱湯，眠一眠，6點多再出發去池袋逛，揾伊達の牛たん食牛脷。伊達の牛たん在仙台好出名，而家喺池袋有分店，更係要去試下啦！ 呢間分店喺一間專賣仙台食品既小商店（宫城）既裡面，不大起眼。

剛好差2分鐘先到7點，可點那個特價晚餐（其實唔飽肚），包兩杯啤酒。

我倆還叫咗兩個唔同既定食試，三個定食既牛脷都好鹹，好在有碗燕麥飯，及一碗好清既牛腩湯。

食飽飽，就行下池袋，Tokyo Hands及藥房等，直至鋪頭關門先返歸！