高雄台北六天自由行2011 - 第六日

第六日- 23/10/2011（星期日）台北 -〉香港    晴

快樂既時光真係好快過，今日已是最後一天在台北。

經過數日既紧密行程，三百團友已有疲態，今日就大家自由活動。

我同我家老闆昏迷到10時才出動揾食，就在附近食個大腸麵缐同臭豆腐，再喺老蔡水煎包買咗兩個韭菜包做早餐。逛咗一陣台北車站街頭，睇下”我可能不會愛你“見面會既粉絲的瘋狂。便返回酒店收拾行裝，準12點退房，把行李放存於酒店。 集合後，我地便到地下街逛逛，食個簡便既午餐，最後衝刺買多幾盒李儀太陽餅。

返回酒店，時間尚早，就喺酒店既cafe食其酒店送既香蕉可麗餅及自費既芒果沙冰。

Hea 到夠鐘，才絲絲然拖著行李，到台北西A站搭國光客運（NT125）去機場。因今日係星期日，無堵車，唔洗一個鐘就到機場。

因時間預早咗，我地就喺機場逛，原來台灣桃園機場設備好完善，設有唔同信仰既祈禱室，可供小朋友玩既Hello Kitty候機室，介紹台灣原地居民民族，等等。連廁所門口幅畫都好靚。
 

 

食過簡便既下午茶，便上機行踏上我們歸家之途。三百傲遊高雄台北團，就此完滿結束。