食完超貴嘅午餐，司機便載我地去巴東海灘嘅Jungceylon
Shopping Mall 逛，而司機因有要事未能等我們回程。 呢個係巴東嘅大型購物商場， 近海灘南面嘅盡頭； 有好多間食肆，豐儉由人；
小小商品店；Boots; Robinson 百貨公司； 家樂福超市； 按摩場等等。
我地就分道揚鑣，波友去做腳底按摩，我同我家老闆就到沙灘浸水，享受陽光與海灘一粒鐘。 而家布吉的水上活動都幾貴，如玩水上降傘要一千銖 (等於星幣44元）。我地租咗張沙灘椅坐，都要一百銖。
之後我地再會合於Jungceylon齊齊去做平價facial兼按摩，全套承惠359銖，抵！有張床俾你瞓65分鐘兼可做簡單面部清潔及小兒科按摩，都值回票價啦！抖咗成粒鐘，又充滿力量去行街街。
本想去食海鮮晚餐，點知那條所謂海鮮街 (在酒吧街嘅橫巷），開天殺價，食人唔吐骨，仲貴過星星國； 我地情願去有定價嘅Fuji 食日本餐好過，又有冷汽！
在家樂福買完這兩天打波用嘅礦泉水後，便打算叫車回Club， 點知又係開天殺價，最後以七百銖成交搭Tuk-Tuk車回去。其實搭Tuk-Tuk車行長途，係有一定既風險，好彩無事！
No comments:
Post a Comment