人整我又整之。。。。牛油果奶昔 (Avocado Milk Shake)

我公司每隔個星期五就有一日係生果日，在staff lounge 有生果賣，比起外面價錢平少少，但勝在夠新鮮。 我於星期五就買咗久違嘅牛油果 (S$4 三個)。

諗住就咁食，但balsamic vinegar 又用完； 我家老闆就提議整奶昔。

 

因我個攪拌機有打冰嘅function， 先打碎一杯冰。

把兩個牛油果切粒，鮮奶一杯，（要甜D可加少少糖），放埋落攪拌機一齊攪勻，就有兩杯香濃嘅牛油果奶昔喇！

The Ship

上星期日一早跟我家老闆去開實龍崗(Serangoon)辦完公事，便去新開張嘅NEX大型購物中心去逛逛。嗰度最多就係食肆，由其是日本餐廳，多不勝數。

 

 

  我地行咗一粒鐘，都無乜收穫，就準備去食日本餐醫肚。 咦，見到呢間似曾相識嘅西餐廳- The Ship， 一直都想試，但總無機會， 今天就光顧啦！

The Ship 每天都有set lunch， 包括餐湯，麵包，主菜，咖啡同甜品。 我家老闆叫咗個Rib-eye Steak, 我就叫咗個Sirloin Steak。原來佢地無serve hot plate, 等我哋仲要medium rare, 好彩都無血淋淋，不過都係生咗D, 又凍咗D; 埋單 S$41。

我哋就不大欣賞The Ship，情願去番Jack’s Place, 雖然牛扒好一般貨式，但起碼有hot plate, 嚿扒都熱D，又有baked potato.

布吉島之旅2010 - 第三日及第四日

第三日 - 11月29日 晴

昨晚飲到不醒人事，今天一早未天光啲男人就出去打波，高爾夫球嘅推動力真係咁大？！我兩個女人就瞓到日上三竿，有工人 嚟攪清潔，我地先起身食早餐，喺club house 上上網，然後做其望夫石。 正午時分啲男仕們終於打完波回來喇，在club house 食完午餐，回公寓冲涼，休息片刻，便約了司機載我們去按摩及食海鮮晚餐。

我的午餐- Pad Thai (泰式炒河粉）                                                                                   

今日我地去咗Phuket Town (布吉市）。由Club 去布吉市都係要45分鐘車程。 波友們去俾錢人拆骨，我同我家老闆就去食我地最鍾意嘅泰國牛丸河粉，逛逛Phuket Square (好多時裝賣）。

波友們去做泰式按摩的酒店

五點半，大家會合於酒店，出發食其海鮮餐。 呢間海鮮酒家係高層人仕介紹嘅，喺條漁村裡面，近海邊，無遊客車去； 價錢公道，自選海鮮給廚房煮； 我地6個人，每人一隻老虎蝦，一隻清蒸蟹，一隻蚝；仲有泰式炒飯，泰式炒蜆，泰式蒸石斑魚，兩碟菜，BBQ尤魚，數不清嘅酒水，承惠3,500銖！平， 靚，正！

回到公寓已8時多，我們今晚嘅娛興節目就係攻打四方城。。。

第四日 - 11月30日 晴
一早在Club House食完個重量級美式早餐（兩人share都食到飽飽），就出機場，搭10點班早機返歸。。。home home sweet home．

布吉島之旅2010 - 第二日

第二日- 11月28日（星期日）陰

早上到Club House 一邊嘆buffet早餐， 一邊等另外兩位波友由星抵達。食飽飽後，男嘅去開波，女嘅就由司機送去Premium Outlet 逛。 話就話outlet, 如買入口貨，一樣貴； 但買泰國生產嘅貨品就幾平。

意遊未盡，司機又載我地到Jungceylon去.  今日我同波友太太到Jungceylon後面嘅Bazaan Fresh Market 去逛。 Banzaan Fresh Market係一個街市, 樓下有海鮮, 水果, 蔬菜, 香料等等，而嚟買嘢嘅主要係當地人； 街市上面有個foodcourt, 有地道粉麵飯；大家亦可以喺街市買咗海鮮之後俾佢地煮, 鍾意食咩自己去街市揀, 價錢仲好平。除咗foodcourt, 街市門口側面有間Hemingway's 餐廳, 都可以俾海鮮佢加工的。

（搬家後-雅烏搬到博客，唔見咗D相）

值得一提，在街市內有一檔買海味乾貨手信，價錢公道。Bazaan Fresh Market 於每日下午6點就收擋， 要去就趁早！

其實我倆嘅主要任務，係去家樂福處買紅酒及朱古力，準備今晚出席高層人仕攪嘅飯局。

五點半，司機便接我們回公寓，與男仕們回合，再步行到晚宴的大宅。受到屋主及高層人仕嘅熱情款待，連club house 嘅女侍應生們都在整個晚宴中招待我們飲品和食物，我們飲飽食醉，盡興而返！

布吉島之旅2010 - 第一日 下

食完超貴嘅午餐，司機便載我地去巴東海灘嘅Jungceylon Shopping Mall 逛，而司機因有要事未能等我們回程。 呢個係巴東嘅大型購物商場， 近海灘南面嘅盡頭； 有好多間食肆，豐儉由人； 小小商品店；Boots; Robinson 百貨公司； 家樂福超市； 按摩場等等。

我地就分道揚鑣，波友去做腳底按摩，我同我家老闆就到沙灘浸水，享受陽光與海灘一粒鐘。 而家布吉的水上活動都幾貴，如玩水上降傘要一千銖 (等於星幣44元）。我地租咗張沙灘椅坐，都要一百銖。

之後我地再會合於Jungceylon齊齊去做平價facial兼按摩，全套承惠359銖，抵！有張床俾你瞓65分鐘兼可做簡單面部清潔及小兒科按摩，都值回票價啦！抖咗成粒鐘，又充滿力量去行街街。

本想去食海鮮晚餐，點知那條所謂海鮮街 (在酒吧街嘅橫巷），開天殺價，食人唔吐骨，仲貴過星星國； 我地情願去有定價嘅Fuji 食日本餐好過，又有冷汽！

在家樂福買完這兩天打波用嘅礦泉水後，便打算叫車回Club，  點知又係開天殺價，最後以七百銖成交搭Tuk-Tuk車回去。其實搭Tuk-Tuk車行長途，係有一定既風險，好彩無事！