幸福不是必然

 


多謝大家對我的關心！ 這幾個月我好像失蹤咁！ 其實因公司有所變動，加上身體不適，所以無乜心機上網。 請願諒！

以為在大跨國公司工作，穩如泰山。 點知一無賺錢，公司就賣咗我工作既 microelectronic division 俾人; 半年內就要搬去新公司，以我呢把年紀， 仲要去適應新環境，新工作，新system。。唉！所以話幸福不是必然的。

因做慣閑人，突然工作壓力大，引致血糖及血壓飚升。 睇公司醫生，食貴藥，都無幫助， 便試下去睇星星國政府醫生（polyclinic), 以為同香港一樣，因人流太多，服務一般。  
那知他們給我的印像完全改觀。 由接待員幫忙拿取號碼，到護士分流睇醫生，取藥，付款； 他們的細心指導，比私家醫務所有過之而無不及。 因我是公民，醫生費，各項檢查及藥物都有政府津貼， 真係平，靚，正！  食咗政府藥數天，病情已受到控制。

為要保持身體健康，減輕體重，放工後都會去緩步行（不能跑）。 雖已服食葡萄糖桉+軟骨素 （glucosamine + Chondroitin），膝蓋還是隱隱作痛。  最近睇嚴浩介紹的“萍果醋加蜂蜜”。  每天晚飯後，萍果醋，蜂蜜各一茶匙，加半杯溫水，飲用。 睇下又有無效，遲下再作報告。

同場加映，我家肥貓Mocha近照。