聖誕節大大餐

聖誕節前夕，正日，Boxing Day，　日日都有party，飯聚。日日食到口唔停。

聖誕前夕，　到我地死黨既女兒家食大餐，有牛油果菜沙律，roast beef，煙肉腸卷，蘑菇酥皮批及肉醬意粉！

我係牛魔王，見到美味既roast beef，　真有點失控，食咗兩塊　（因美食當前，掛住食，又掛住噴口水，唔記得影相添！）。　直至食到我帶來的甜品。。。"Awfully Chocolate" 既Chocolate Banana Cake, 先至醒覺要影相．

聖誕節正日，高爾夫球友們potluck到ＣＡＣ會長家中慶祝。　主人家焗咗隻５ｋｇ既火雞，準備咗白汁蘑菇雜菜意粉，同甜品Tiramisu；我至叻就係訂購咗roast beef　去；　其他有焗三文魚，大蝦沙律，蜜瓜西米露同千層大菜糕．

Boxing Day，　我地同朋友一家人去食"Mushroom Pot" buffet dinner.........話係菇菜類居多，但都係有肉！

食，食，食；　食肉食到驚！

我２０１２年既大計就係減，減，減。

 

在此，祝大家２０１２新年快樂！　身體健康！　減肥成功！

等緊你瞓

MiuMiu:  媽咪，你幾時先上床瞓呀？ 等緊你呀， 爹地話要等你瞓，我先至有得瞓呀！

Mocha: 我就睬你都傻！瞓咗先算。 瞓喺爹地張被到，爹地最鍚我，唔捨得趕我走既！

香港巨星輝煌金曲演唱會

上星期六翻看舊報紙，偶然看到有香港歌星喺星期日在新達城 (Suntec City) 開一場演唱會，就嗱嗱淋上網試下定位，因第二日就係演出，可能已無飛賣。咦，竟然仲有飛，即刻就定咗兩張，十卜十卜下自己友。

歌星有：雷安娜，胡美儀， 葉振棠，Maria Cordero, 陳潔齡及仙杜拉。

但好失望，因時間所限，每位歌星祇可唱得4首歌；又無得encore; 真的耳油未盡。全場坐唔夠一半人，無D氣氛！仲有就係，大部分觀眾都係樂齡人士。。。。我同我家老板比起他們，已是很年輕。。。哈哈！

人整我又整之。。。。焗豬扒意粉

一 向我同我家老板都鍾意食港式焗豬扒飯或意粉。 番親香港，第一樣想食既野，就係大X樂既焗豬扒飯同羅宋湯。 由於上月在港時間不多，未能抽空（時間上同胃的空間）去食，有點遺憾！ 剛巧巡BLOG時見到Mia既焗豬扒飯，經請教後，於上星期六晚就黎一個焗芝士豬扒意粉。。。。雖然買唔到靚豬扒（俾人揾笨），豬扒又醃得麻麻地，但都一 嚐為食心願。  Mia, 多謝你呀！

材料： 豬扒 3 塊，意粉半包，Mozzarella芝士半包，番茄3個，薯仔1個，洋蔥1個，牛尾湯一罐   （因買唔到牛尾湯，所以用番茄湯代替）。

醃料：豉油，糖，豆粉，麻油，蒜鹽，薑汁，酒 (嘻嘻！差不多所有在廚房既調味料都落曬）

做法：1）煮淋意粉，放在盤里
    2）把豬扒煎香，放在意粉上
    3）洋蔥，薯仔炒熟，把番茄煮到爛
    4）把罐湯倒埋落去煮，加小小水
    5）加入喼汁，番茄醤各2湯羹
    6）把煮好既汁淋在豬扒同意粉上
    7）把芝士平均放在面上
    8）放入預熱的焗爐焗約15分鐘，見芝士轉金黃色便可。
因雪柜仲有半包仲未過期既Mozzarella芝士， 就用埋佢。

貓囝囝近照

又有兩個月無同兩個貓囝囝影相喇！

貓地好似知道同佢影相咁，係要同你鬥下氣，走黎走去，拎黎拎去，真難攪。 我影相又油麻地，仲要用手機影，要等佢地瞓到失去知覺，才可以慢慢地影。

高雄台北六天自由行2011 – 後語

經過六天既行程，個人比較喜歡高雄，人口密度比較低，民風淳樸，比較熱情。

台灣值得一讃，就係廁所。 每個捷運站都設有廁所； 而高雄廁所裡面仲有佳句：

除此之外，我想介紹一間好特別既餐廳：

[伍角船板]www.five-dime.com.tw/

粗茶，淡飯，賞藝

“有一天我在海灘撿木頭，沙灘擱淺著一塊船板，船板上停留著一枚伍角舊幣。如果 我能在一個地方，建一個有風格的屋子，那名字就是[伍角船板]“

走進呢間位於台北美麗華商場附近既餐廳，就好像去咗一間藝術館，無論樓梯，大門，餐椅，就連廁所，全都充滿藝術創作。話明粗茶淡飯，餸菜就一般。

這代表女廁

話明粗茶淡飯，餸菜就一般。

地瓜飯，高麗菜

德國脆皮豬腳

南瓜海皇豆腐煲

起士焗生蠔

招牌三杯雞，枸杞地瓜葉

仲有鹹蛋杏鮑菇（唔记得影）

附送甜品及冬瓜茶