噚日係我家老闆嘅牛一，待他見完客，我們便去東海岸食晚餐。本打算去食日本料理，點知泊好車，路過間韓國餐廳，俾個靚女拉住叫我們試她們的菜式，酒有半價，我家老闆話喺星都未試過食韓國菜，便拉咗我上去試。
因為我倆係牛魔王，所以點了牛脷片（160g) 和牛肉片（490g)； 原來點兩個餸，就有10碟小菜（免費任加）和送一客蒸蛋。 由於酒半價，我家老闆就叫了一瓶韓國紅酒。。。嘩！酒精含量有15%。 唔怪得我飲咗一小杯就high high 哋
我家老闆素有訓練，當然若無其事啦！
估唔到祇係兩碟肉，其餘十碟小菜有九碟係菜（菜好新鲜）同蟹仔，都食到我倆攬住個肚落樓！好彩我家老闆對這餐飯都幾滿意，我唔洗買禮物俾佢，唔洗頭痛！
No comments:
Post a Comment