肥貓坐姿

自從MiuMiu去了彩虹橋，Mocha好耐都無上按摩椅處坐或瞓，因已無貓同佢爭地盤。

昨晚食飯時，客廳無人，他就跳咗上去，左望望，右望望，無人理，就大無私樣坐喺樹，成個肚腩凸出黎，其實我已zoom了埋去，影低他的醜態坐姿。

當我行埋去，他就立即瞓低，怕我趕他走！

肥貓與車

星期日，我家老闆在貝殼油站以積分換取一架遙控車，本想用以引起肥豬Mocha既興趣，等牠追逐一番，可以增加牠的運動量，從而減肥。 點知Mocha以為黎咗隻會眼發光（車頭燈）既怪獸，便“fit"它，又聳起曬毛，又避它避到跳上床。

第七至九天 4月19-21日 香港

第七至九天   4月19-21日    香港

咁多年第一次在港睇醫生，好在有買旅遊保險，可以claim足（連回星後再睇醫生都可以claim埋）。

病了， 無心機週圍去，只是在星期五晚去上環竹園見老友記飯聚，星期六中午去北角君綽軒飲茶及下午茶於城市花園酒店既咖啡室（其實都係見老朋友，噴口水）。

雖然病，都要買番D野先過癮, 才不枉此行。 多謝Blog友無悔的好介紹，去葵涌廣場買護膚品, 比星星國平成2倍。 又替工人小姐買手電，都比其他地方平。

女兒見我病，就在家煮其溫馨晚餐。五餸一湯，白飯任裝！

星期日，就返回星，放多两天病假才可上班。。。

高雄台中墾丁自由行 2013 - 第六天

第六天   4月18日（星期四） 墾丁--〉高雄小港機場 --〉 香港

食完精美既早餐，又是時候去高雄小港機場。

 因有一對夫婦訂了早班機，已晨咁早就走了。另外一對就下午才出高雄多停留兩天。所以只有我們六人一起出機場。我們預訂的兩架車已準時在門外等候。（共NT$4,300)














兩小時車程，未到中午，已到達小港機場。 Check-in 完行李後，就到餐廳醫肚才上機。



下午四時多就抵達香港，our home town...

回到女兒家休息一會，就去附近酒樓與女兒女婿共渡晚餐！

在台灣已有點唔妥，在墾丁時已在藥房買成藥食及帶上口罩, 點知一回港當晚就病倒了！

高雄台中墾丁自由行 2013 - 第五天

第五天   4月17日（星期三）   墾丁

一早享用完老板娘精心做的早餐後，就開始我們的墾丁一日遊。

第一站： 貓鼻頭 - 居高臨下，飽覽美麗的裙礁海岸地形。


第二站： 白沙灣 - 少年PI都是在呢度取景



第三站： 後壁湖

這兩個半圓球就是核電站


第四站： 瓊麻館 - 無聊。 我想是包車司機學咗香港立法會開會咁。。。打拉布。


第五站： 出水口 - 其實都是在後壁湖的附近。

Add caption

唔知點解啲水一去到出水位就變得好清，好藍？


去完出水口， 我們就去後壁湖漁會大樓內，blog友常推介的“輝哥生魚片“食午餐。
十 個人，費時諗， 就叫咗全店最貴的套餐。 一魚四吃，我地以為係一條魚分四種煮法，原來係一種魚有四種煮法，即係有四條魚。。。。除了碟生魚片（80片，仲係好好厚一片）外，其他海鮮，煮法有點粗 製濫造，味道麻麻，只是重量不重質。好在都係約NT$550一位（加埋酒水）， 唔好要求咁高喇老友!




第六站： 船帆石 -  地標之一， 位於道路旁，離岸很近的一塊巨石； 真的很像一個人頭。

船帆石對面馬路既民宿

這是我們一天遊的包車，車齡2年，NT$10,100 (8小時）


第七站： 鵝鑾鼻公園 （入場費：NT$40) - 鵝鑾鼻燈塔是台灣最南端的燈塔。
因太多旅行團來參觀，我們行了一會就走人。


包車司機知我們的心意，就車我們去高一點的山頭，無乜旅行團的地方處去看風景。
竟然有人在那兒拍婚紗照，背景多浪漫！


第 八站： 風吹砂 - 每年東北季風吹起時，海岸的沙子就會被吹上路面，可看見路面三分之一會堆滿細砂。（我們所見, 只是唔可以遊水既沙灘一個，毫無特別）


經過“港口吊橋”


第九站： 佳樂水 （入場費：NT$100) -  在恆春半島東岸，主要海岸地形是由砂岩和珊瑚礁構成，在久經強風和海浪的侵蝕下，雕琢出各式各樣的奇岩怪石。 其實就好似台北既野柳。
不過，我奉勸各位去時最好不要坐那觀光車，因那條路很窄, 而那車是用小型貨車改裝及加闊； 當遊客坐在單一邊看石時，有可能失去平衡而翻側， 一面倒便連人帶車跌落崎嶇的石頭上，好不危險！ 我們坐完先知驚!



最後一站： 出火 - 是由地下天然氣冒出所造成的奇景。 小販多有生意頭腦，利用天然氣來烤地瓜及粟米。 我們買咗兩樣來食，兩樣都好甜， 正！

回到旅館hea一hea, 又係到時候去揾食。 在旅館附近行了一圈，無乜特別，唯有在旅館對面的牛肉麵鋪，食今次台灣之旅最後一餐既牛肉麵及小食。

這就是我們下榻两晚的“海的顏色”精品旅館。

全間旅館最敗筆就是個洗手間，全無分隔, 一淋浴，就成個廁所濕曬！