洗白白

星星國已踏入雨季，上星期難得有一日有太陽，便隨即替我既猫囝囝洗白白。獸醫叫我唔好成日同佢地冲涼，一個月一次就好。

我既貓囝囝好怕洗白白的。佢地好醒目

，一見佣人攞佢地專用既毛巾和開熱水爐，佢地就即閃

。洗白白之前必玩的遊戲叫捉迷藏，我們要用盡方法才可引佢地出嚟 ，分別捉佢地入浴室，一個捉住佢地，一個淋水

，搽冲涼液。唉！每次洗白白，仲慘過打仗。

困咗Mocha入廚房，MiuMiu已醒覺。。。

MiuMiu: 冲完凉，媽咪又要我罰企曬太陽，煩！

Mocha: 整到我成身濕,又要我自己舔乾

Mocha: 我唔要罰企曬太陽！

Mocha: 我要坐喺梳化吹乾

銅獅子 Miniature 版

從博學多才的Blog友貓尾處得知，置放在香港上海滙豐銀行總行 大廈門前的這兩頭雄獅，張嘴吼叫的是「史提芬」（Stephen），此名得自1920-24年的香港總行總司理史提芬（A. G. Stephen），而鑄造銅獅也來自他的倡議。另一頭銅獅稱為「施迪」（Stitt），是當時上海分行經理施迪（G. H. Stitt）的名字。近尾部，還刻有雕刻家W.W. Wagstaff 的簽名。 

銅獅子每隻重2250磅，擺放在香港的是第一對複製品； 第二對複製品在英國倫敦金絲雀碼頭（Canary Wharf, London）的滙豐集團新總部大廈門前； 第三對複製品則在上海浦東發展銀行於1997年獲得前上海滙豐銀行大樓的使用權後，照原樣鑄造了兩尊新銅獅置放在原位。 （以上資料，取自“維基百科，自由的百科全書“）

我隨夫家移民時，匯豐某人士送了這對獅子的miniature版給我們留念，現在還放在我家大門口的玄關處。這對獅子已替我家看門口十數載，直到現在貓尾提點，我才得知它們名字及背景。

這是Stephen.

這是Stitt.   

又飲水

我的大仔MiuMiu真丫了。 以前有浴缸，就要喺浴缸飲水喉水；而家得shower screen （只有花灑）， 佢就喺廚房既洗碗盤嚟飲，無佢收。

飲完水就hea.

最乖都係Mocha肥豬，祇會乖乖地坐喺到陪我睇電視（本來我都坐喺沙發，因影相要走開；其實佢見我走開，都想撇）。

貓囝囝近照

星期六，食飽飯無事做，又捉兩兄弟試機.

兩個齊齊等出去門口食貓草

食完貓草，返來hea.

食飽就瞓    

大頭相（佢地好似知我影佢地，週圍走，好難影）

影木頭好過！

貓草

我相信每隻貓都鍾意食綠色植物，等於人類的涼茶。我兩隻貓囝囝都唔例外，所以我們一直都是從花圃買貓草(S$6一盤)俾佢地食，食完無耐貓囝囝就會嘔吐，把肚子裏的毛毛都嘔埋出來，清理腸胃。唔知係唔識打理，還是貓囝囝食得粗魯，每盤貓草一個月唔夠就枯死了，又要去買一盤返來。

貓囝囝近照

雙十節在家無所事事，便拿我家老闆送俾我的新相機（話係生日禮物）來研究，當然揾咗我的貓囝囝來做model啦！

這幅未set日期。

這幅set錯日期。

呀！這幅終於set啱日期喇！

這個生日真快樂

這是多年來難得的囡囡與我一起共度生日，一家三口完完整整。

因我家老闆的星好友的兩個女兒於2009.20.09同一天在香港擺結婚酒，我們趁此機會，提早直飛澳門先探望在澳門工作的摯友何翁及興祝我牛一。 何翁倆夫婦熱情招呼我們的起居飲食，下榻他們的豪宅。第一晚，他倆帶我們到一間地道的葡國餐，那薯絲馬介休真值得推介。

薯絲馬介休 

乳豬炒飯   

 

晚餐後，我們夜遊新馬路及去食甜品。 回到何宅時剛好十點，可以看到每年九月煙花節的煙花比賽之一，法國的參賽煙花，歷時20分鐘。

第二天，早餐過后，我們兩對夫婦到珠海逛及到灣仔食海鮮。

沉龍魚，一魚兩味

龍蝦刺身（差不多食完才記得影相）

龍蝦粥     

東風螺     

 

豐富午餐後，男的去打高爾夫球，女的繼續去瘋狂購物及按摩。晚飯於何宅附近的日本餐廳。因颱風逼近，我們倆於翌日一早便搭船回港。
當晚已掛起8號風球，女兒便在家煮了4餸一湯，她爹哋都讚好味道。

4餸一湯 - 青紅蘿蔔煲牛腱湯；海南雞及雞飯；印色牛肉；炒菜心和豆角炒肉鬆。

她又做了muffins給我們做早餐。由於我們忙於應酬，到星期五才再與女兒出外晚饍，食我喜歡的韓國菜。

生日那天，她親自下廚煮了我最喜歡食的辣椒蟹及做了一個小甜檸檬芝士蛋糕作為我的生日蛋糕。又送了婦女銀袋日的閃爍手袋 2GB USB 匙釦兩用項鏈給我作為生日禮物。她的這份心意，已令我滿懷安慰！

翌日一早，我們到寶蓮寺一遊，更品嘗我們久違的齊菜及山水豆腐。

十多年來未曾參與過香港的婚宴，今次再有機會感受那麻雀聲及熱閙的氣氛。到賀嘉賓除了我們十多人來自新加坡外，更有來自澳門，內地，台灣，日本，加拿大及美國。這個婚禮，使主人翁與他的家人在14年來第一次齊齊整整的相聚一堂，可喜可賀！

這個10天的生日假期真快樂！

早晨從何府露台看出去的美景

威尼斯人   

你地估下呢間建築物是什麼？

（開估：係寶蓮寺附近的廁所）