聖誕飯聚

                          


每年聖誕節，我家老闆既球會既committee members 都會在會長家攪potluck 晚餐，慶祝聖誕。 

男既在basement開雀林大會；女既在客廳，廚房吹水；而年輕一代及小朋友就在樓上打機；
各有所好！ 
飲飽食醉，盡興而歸。

↓  我既花鵰凍雞翼

↓ Mango Strudel

↓ Log Cake

回香11月2012- 第四日

開心既時間過得特別快，四天行程紧密，我今晚(11月13日）就要返回星星國了，而我家老闆就留多幾日去珠海及澳門與好友們打球。

今日下午與女兒共聚午餐後，便扮遊客上了太平山。　已有十多年無去過，完完全全變得好商業化！

行到三點多，係時候回程返家拎行李出機場！

因上山搭纜車時好多人，下山就試下搭巴士啦。。。。點知就出事喇！

有架旅遊巴在窄路的轉彎角處停滯不前。  等了十多分鐘，我家老闆就開始緊張，要求下車，打算搭的士下山。 又等咗十幾分鐘，架架的士落山都有客。 好彩終於有架搇旗的士趕落山交更，便順道載我倆下山。

雖有點阻滯，亦好彩準時出到機場。 Check-in後，仲有時間喺翠華歎番個燒鵝并燒腩仔，配一個紫菜四寶湯添！正!
（呢間翠華係在過海關前，位於出境大堂既2/F, 入咗海關嗰間快餐店就差好遠lu)。

回到星星國的家已是半夜，Mocha 亦已在床上霸位等我番黎喇！

回香11月2012- 第三日

今日是星期一（11月12日），亦是我倆結婚週年紀念日！

時光飛逝, 轉眼間，32年就過了！ 在這些年，我倆學識兩個字“包容”
欣賞他/她的優點，包容他/她的缺點。

午餐，好友在香港老飯店訂了大閘蟹餐为我倆慶祝，好豐富呀！

當然仲有其他美味佳餚如清炒蝦仁，樟茶鴨, 小籠飽，干扁四季豆，担担麵及甜品高麗豆沙！（掛住噴口水，唔記得影相）

晚餐，我倆在好有氣氛, 維港夜景盡在眼簾既Top of The Town （Excelsior Hotel) 共度溫馨的一晚。

回到家，好驚喜收到女婿貼心既禮物！

回香11月2012- 第二日

親女日

今日是星期日（11月11日），女兒與女婿整天陪伴我倆老飲茶，行街街及食了一頓十分之美味（好有牛味）的牛扒晚餐，作為預祝結婚週年紀念！ 因女兒在正日要返工及上课。

今日係我最開心的一日。

女婿還買了macaron 作飯後甜品。