舊年一班同香好友在我們舊屋的function room
食團年飯，食開有癮，今年我家老闆又在家中攪potluck團年飯。
今年真熱鬧，大大細細由歲半至91歲共28人，濟濟一堂。
由於人數眾多，家家的餸都預多咗分量，所以有餘有剩，好意頭！
餘興節目: 一年一度的竹戰開始，共兩台，由牛年打到虎年。
無份打牌的便和小朋友一起睇碟，下棋，玩魚蝦蟹，食過年小點。
團年飯餸菜有： 港式沙律，菜飯，粟米班塊，蓮藕炆豬肉，蒜蓉豬頸肉，咖喱豬皮魚蛋，芙蓉炒蛋，白切雞，燒雞，杭州羊肉褒，鹵水鴨舌，鴨胸肉片，糯米鴨，海參鲍鱼菇，清炒黃芽白，羅漢齋。 甜品有清寶涼和蒟蒻。
