Housewarming Party

搬家一個多月，朋友們已分批到來探訪。上星期六，輪到高爾夫球隊及 其家券，共二十多人，是真正的housewarming party。 本打算叫catering, 但他們喜歡potluck，要自己煮，所以他們每家人起碼煮一個餸嚟。我家老闆知佢老婆淨係識食唔識做，於是買咗隻海南雞及雞油飯，咖喱魚頭，叫佣人煮咗 個魚片炒芽菜和招牌炒米粉。

      

嘩！好豐富呀！有健康沙律，菠蘿雞尾腸，白酒青口，pizza，羅宋湯通粉，菠蘿蓉豬肋骨，芥菜膽燜排骨，焗南瓜； 甜品有草莓芝士蛋糕，tiramisu和洋枝金露芒果布丁。

 

男仕們在客廳相討國慶60週年杯比賽事宜及睇電影，女仕們在飯廳交流廚藝心得（我全無心得，做其旁聽生）。白酒紅酒十數枝盡清，飲飽食醉，於十一時多才散會歸家去。

我兩隻貓囝囝終於等到uncles同aunts走晒，才敢由我床下底走出來食其晚餐及小解喇！

被困5小時

星期日，我同我家老闆在家繼續unpack 堆在士多房（星國的屋内防空洞bomb shelter）內的東西。 不知大仔MiuMiu幾時走了入去，我們未有察覺，便把成幾寸厚的鐵門關上，再把裝飾門關好。 11點多便出去午饍及shopping，至下午4點多才回家。 平時佣人不見牠們多時，都會查看牠們是否躲在某處睡覺，可惜那天她放假，無人發覺牠的失蹤。 好在我回家後，隨即把環保袋放進士多房，一打開門，MiuMiu即跑出來，雙眼通紅。 牠真可憐，5個多小時焗在密不透風，充滿新油漆味的密室，缺水缺糧。。。我們真的很心疼。 好在牠定神後，便開始飲水及食乾糧，我們才放心，但還是很內疚。

黑嘛嘛，嚇死我喇！

你哋困住我成日，我唔睬你哋。

星星國的屋內防空洞，裡面有電話線同天線，但無放電話，所以我打唔到電話俾爹哋媽咪求救。

兩度門，梗係聽唔到我叫救命啦！