高雄台北六天自由行2011 - 第六日

第六日- 23/10/2011（星期日）台北 -〉香港    晴

快樂既時光真係好快過，今日已是最後一天在台北。

經過數日既紧密行程，三百團友已有疲態，今日就大家自由活動。

我同我家老闆昏迷到10時才出動揾食，就在附近食個大腸麵缐同臭豆腐，再喺老蔡水煎包買咗兩個韭菜包做早餐。逛咗一陣台北車站街頭，睇下”我可能不會愛你“見面會既粉絲的瘋狂。便返回酒店收拾行裝，準12點退房，把行李放存於酒店。 集合後，我地便到地下街逛逛，食個簡便既午餐，最後衝刺買多幾盒李儀太陽餅。

返回酒店，時間尚早，就喺酒店既cafe食其酒店送既香蕉可麗餅及自費既芒果沙冰。

Hea 到夠鐘，才絲絲然拖著行李，到台北西A站搭國光客運（NT125）去機場。因今日係星期日，無堵車，唔洗一個鐘就到機場。

因時間預早咗，我地就喺機場逛，原來台灣桃園機場設備好完善，設有唔同信仰既祈禱室，可供小朋友玩既Hello Kitty候機室，介紹台灣原地居民民族，等等。連廁所門口幅畫都好靚。
 

 

食過簡便既下午茶，便上機行踏上我們歸家之途。三百傲遊高雄台北團，就此完滿結束。

高雄台北六天自由行2011 - 第五日

第五日- 22/10/2011（星期六）台北 晴

好野！今日好太陽，正好配合我地既行程 – 野柳，九份 及師大夜市

在酒店附近食過早餐後，便到台北西A站搭國光客運1815到野柳，全程約1小時20分（票價NT95）。

 

行完野柳地質公園，本打算在野柳附近既海鮮館食海鮮，點知全部餐館無得碌卡，我地又要留現金購物，唯有上九份食小食醫飽肚就好。又本想在搭基隆客運1022或1262由野柳到基隆，再由基隆轉車上九份。為免舟車勞動，便包一架7人車車直上九份（NT1,200），都要一粒鐘。

一到九份，立即就亂食小食醫肚。。香腸，臭豆腐，薄餅，芋圓，草餅，等等。因今日係星期六，九份好多人，行完成條街，影完相，買完手信食品，都成４點幾。本想再去平溪，都已無能為力。就逼公車番落瑞芳，再搭火車返回台北。在瑞芳站上火車時已逼滿人，三百團友就一路企到落車，足足企足一粒鐘。番酒店放低幾擔重既手信，hea成個鐘，７點鐘才出動去師大夜市揾野食。

 

我地搭捷運淡水綫向新店方向，在台電大樓站下車，由3號出口，沿師大路一直行就到師大夜市。師大夜市對面啲橫街小巷有好多食肆，但間間都要等位，終於在街尾尾有間越南餐館，等１０分鐘就有枱。醫飽肚，先有力行師大夜市。　我地一致認為師大夜市唔錯，值得一去，賣既貨品比較精致。我地個個都滿載而歸。　

師大夜市

高雄台北六天自由行2011 - 第四日

第四日- 21/10/2011（星期五） 台北    陣雨

今日我地既行程 -  新北投，淡水，美麗華商場，家樂福，士林夜市

因我地買既自由行套票於天成酒店係唔包早餐，三百團友一早去揾食，又因落雨，唔行得遠，便在老蔡水煎包店隔離既小食店，食其地道早餐，及喺老蔡水煎包店買韭菜包，高麗菜包同豬肉包加料。。老蔡水煎包真係好食。

食飽飽，便開始今日既行程 - 新北投，淡水，美麗華百樂園 及市林夜市

搭捷運淡水線至北投站，轉乘到新北投站，經車站廣場越過光明路，沿北投公園邊的中山路經過北投溫泉博物館，再向前步行約10分鐘到達地熱谷。

 

本來我地打算去搭免費專車前往亞太溫泉生活館浸番一兩粒鐘溫泉, 二人一湯NT1,250, 平日有8折；點知..

唯有搭番捷運去淡水，仲有微雨。

已是中午，就在淡水老街食阿給（一磚豆腐干壤有粉絲同魚肉），扣肉，豬頭肉，菜同炒米粉。

行完成條老街，便搭船（NT50）到漁人碼頭同情人橋.

影完相，便搭公車紅26返回捷運淡水站。

再坐捷運到劍潭站落車，在出口右邊搭免費接駁車前往美麗華商場，又到家樂福購物，再到“五角船板“吃晚餐。

豐富晚飯後，便搭免費接駁車回劍潭站，好彩雨停咗，再戰士林夜市，才打道回府！

因天雨關係，早上無去到總統府，自由廣場，台灣民主紀念館 （捷運中正紀念堂站出口5）

及南門市場 （捷運中正紀念堂站出口2）