日本東京7天自由行2012 - Day 7

Day 7  - 26/08 (星期日)   吉祥寺(Kichijoji) => 原宿（Harajuku） =〉 新加坡（Singapore)
歡樂既時光真係快過！  轉眼間又到咗喺日本既最後一日。
食過酒店早餐，Pack好行李，check-out, 寄存行李於酒店。我倆便出發去吉祥寺，作最後衝刺。
小插曲： 食完早餐，打算返房時，遇見一班全副武裝既表演者，正準備出發去原宿表演。

從新宿車站出發, 搭JR中央快速去吉祥寺，車程12分鐘，費用為210日圓。

我倆先在大街行下，經過公園

呢架車唔知係唔係江湖傳聞既龍貓巴士去三鷹の森 ジブリ美術館（宮崎駿博物館)?

 

然後返回吉祥寺北出口既松坂牛サトウ（Matsuzaka-gyū Satō）買出名既牛肉球食。 好多日本人已在排隊，正在等新鮮滾熱辣既牛肉球出爐。
見有兩種球類物體，唔識睇日文，就每樣買兩個試下啦。 
原來120日圓既係薯蓉球（有少少牛肉碎喺裡面）；而180日圓既先係美味可口既牛肉球，買5個，仲有折扣。 食完兩個球，已好飽，想試佢地既牛扒餐，個胃都無位裝。。。可惜！

跟住就返去JR 吉祥寺站地下既 Atre 超市處買零食手信。

呢到一札超巨露筍賣100日圓； 前兩晚喺日本料理食就要1,150日圓。。。。

我倆於1點便由吉祥寺經新宿轉車去原宿既表參道睇元氣祭2012既表演。


精彩既表演，睇到個肚開始打鼓，原來不經不覺已係3時多，我倆便嗱嗱啉返新宿。

揾食之前，先去新宿JR站 Ticket Office 訂咗回程17：09 班 NEX 去機場，再退回Suica咭，攞番500日圓押金及用剩既金额（當然要扣除210日圓既手續費）。
歌舞伎町又有街頭演唱，又耽誤咗D時間。

打算去食金太郎（海鮮丼），點知揾黎揾去又揾唔到!？？
唯有返酒店用咗20分鐘食個下午茶餐，跟住就拉行李去JR新宿南口搭NEX 出機場。
坐NEX，一個鐘頭零18分鐘就到咗機場, 要行一段路，上去Level 7, 先至到星航 check-in counter。  好在我一日前已做好on-line check-in, 好快攪掂。 辦完出境手續，又作最後衝刺shopping。


在機場食埋今次在日本既最後晚餐。。拉面，便踏上歸途。。。home sweet home!

Japan, we will be back!

日本東京7天自由行2012 - Day 6

Day 6  - 25/08 (星期六)   江の岛 (Enoshima) ， 鐮倉 (Kamakura）

本來鐮倉亦都無篇入行程內，由於日本夏天真係好熱，我倆好想去沙灘游下海水消暑， 今日就決定去遠離東京小小既江の岛和鐮倉。
鐮倉是神奈川縣既沿海城鎮，距離東京南邊大约一小時。

我倆在JR 新宿南口內，小田急鐵路車站既自動售票機買 “小田急江の島/鐮倉一日自由乘車券“ ，那售票機可選英文指示，跟著步驟，就可買到票。1,430日圓，包括乘搭小田急電鐵 (Odakyu Line) 到藤澤的來回票，以及自由在江の岛與鎌倉區內無限使用江ノ電鐵（Enoden Line)。


經過將近一個鐘頭既車程，到咗藤澤駅(Fujisawa)，随即過對面月台繼續乘搭小田急綫去江の岛駅（總站）。   一出閘，已見到陽光與海灘！


江の島海灘分東灘與西灘，我倆見東灘嗰邊好似有event, 就去咗東灘湊熱鬧。
 

其實好大浪，跟本游唔到水，但衝下浪，都好過癮！ 好beach boy look 既救生員手持紅色浮板，在水裡巡視，令我地好有安全感！

沙灘處有小店鋪提供遮陽傘躺椅租用，燒烤套餐，locker及冲涼設備。 但我倆同店主雞同鴨講，祇溝通到冲涼，800日圓一個人冲一個涼，都幾貴, 雖然冲涼房有shower gel, shampoo 同conditioner, 但好簡陋。。。不過。。。好過無得冲。

冲好涼，去醫肚，求其就腳就去食First Kitchen 快餐店既漢堡包。（無乜特別，所以無影相）。
其實如果我倆有心機行下，原來有好多食肆在小街內（搭小火車時才發現）。

其實江の島除咗沙灘外，島上仲有好幾處觀光景點， 包括神社、公園、展望台和岩洞。 但正值中午，陽光太猛烈， 我倆又有點累，便放棄遊島，而去鎌倉睇大彿。 鐮倉的大彿，係阿彌陀彿青銅雕像，位在高德院內。高13.35公尺，呢位大彿是日本第二大的彿像。

我俩便乘搭小田急綫由江の島駅回去藤澤駅。 出咗閘，向南口步行1分鐘，經過小田急百貨公司， 便轉乘江ノ之電鐵去鐮倉。 小火車沿住海岸線而行，風景如畫！

由於對於鐮倉無乜做到功課，所以搭江ノ電鐵去到總站才落車。 其實喺長谷駅落車行比較近。 但錯有錯着，因坐完一輪車，已回氣，我倆就有精力由總站行去高德院，沿途經過幾條隨道，高級民居，好日本feel!

行咗起碼45分鐘，就來到高德院，門票200日圓。 入院時已4點半，5點半就關門！以為得番一個鐘怕行唔曬，點知一入去就見到大彿，影下相，去下廁所，飲下水，半個鐘就攪掂！
回程就行去長谷寺方向，约15分鐘就到。 喺長谷駅搭江ノ電鐵返去藤澤駅。

 
 
 

巡完百貨公司及附近店鋪，便上去小田急百貨7樓既“和幸“食吉列豬扒同Tempura； 生椰菜丝，白飯，及有小蜆既miso soup 任添！ 窗外仲欣賞到藤澤駅既黃昏景色！

飲飽食醉，便打道回府，返到新宿，已9時多！