美國之旅 – 第五日

第五日- 4月7日  拉斯维加斯 (Las Vegas)

在酒店內的Starbuck食過所謂早餐，坐了40分鐘的airport shuttle bus。 到達LAX機場，經過嚴密的安檢，一個鐘頭的航程，我倆於下午一時多到達拉斯維加斯。

賭城真是賭城，連機場都有老虎機玩，連坐shuttle bus去酒店既車票都是以籌碼代替。

安頓行李於Treasure Island酒店房間內，我們便被接到女婿的妹妹家里享用homemade late lunch.

由於舟車勞頓，返回酒店後，倆個老野就抱頭大睡，一瞓就瞓到半夜兩點，被對方既肚打鼓聲弄醒，便到酒店內既coffee shop食名副其實的早餐（零晨兩點多），又係大大份；　醫飽肚，行行賭場，又回房繼續揾週公。

美國之旅 – 第四日

第四日- 4月6日  阿那罕姆市 (Anaheim) –〉迪士尼樂園 (Disneyland)

一早到地道既 "Panera Bread" coffee shop食過美式早餐後，姪女便送我倆到相距一小時多車程既Anaheim. 放低行李於Hilton酒店房間，定了明天一早既airport shuttle bus (US$16位）出機場後，我倆隨即買飛搭來往酒店與迪士尼樂園的Resort Bus Pass（US$4位，24小時任坐）出發到我們已久違的迪士尼樂園及California Adventure去。

Hilton Hotel 的房间很大，很舒服

浴室的用品都是名牌

酒店門口的Resort Bus Passes售票機(來回Disneyland)，人地寫明“Exact Change” , 我地以為有自動找續，入了US$10，捐贈了US$2。

迪士尼樂園於數年前增添了California Adventure，又在兩個樂園中間興建了Downtown Disney，有多家商店和食肆。

首先當然係衝去California Adventure攞今晚睇最新的大型表演World of Color既門票先 (入樂園後，跟著指示牌來到這隻大灰熊身後，便可以攞到，先到先得), 好彩攞到黃色地段，在中間。可能當時係那邊學校的春假，兩個樂園都逼爆人，每樣機動遊戲都起碼排成粒鐘。

玩得3個機動遊戲已6時多，又係時候去醫肚，便到Downtown Disney既Jass Kitchen食其set dinner，US$30 (未加稅及貼士) 有餐湯，菜沙拉，主菜及精美甜品，真係大件夾抵食兼味美;  又有鋼琴師伴奏。 我倆一人一個set dinner， 加埋酒水，埋單唔洗US$90。

在迪士尼樂園睇完煙花，再到California Adventure睇World of Color， 已是晚上10點多，我倆便帶著疲倦的身軀搭shuttle bus 返酒店休息，準備明天一早搭西南航空（Southwest Airline）內陸機到拉斯維加斯去。

美國之旅 – 第三日

第三日- 4月5日  聖地牙哥 (San Diego)

今天瞓到日上三竿，姪女便載我們到一間墨西哥餐廳食brunch。

之後就送我倆到聖地牙哥出名既Seaworld去玩(不过名過於實，香港既海洋公園比它大得多, 有點兒失望)。

晚餐在Mission Bay Drive既一間好受歡迎的日本料理 - Sushi OTA 用饍；刺身真的好新鲜。。。嘩。。個海膽。。。。

美國之旅 – 第二日

第二日- 4月4日  聖地牙哥 (San Diego)

聖地牙哥天朗氣清，天空找不到一片白雲，藍得好似佈景一樣。在家食過早餐，姪女便載我們到 La Jolla（拉荷亞）睇美麗的海景，有很多海獅在海灘上作日光浴。

在一間日本餐館享用過大件夾抵食的set lunch， 我們便出發到San Diego NSC Broadway Compound 參觀USS Midway Museum （巨大的航空母艦）, Kissing the war goodbye (statue)及逛Seaport Village.

 

之後我們便參觀一間過百年歷史的Hotel Del Coronado （真有點“Somewhere in time” 套戲的感覺；但聽聞呢間酒店好猛）

晚餐於一間專食pizza 及標榜啤酒種類多的餐廳，食得真係好heavy.

美國之旅 – 2011年4月3日至4月13日

前言

當女兒決定於拉斯維加斯舉行婚禮，我們本已訂了星航A380 經東京去洛杉磯， 并訂了回程時停留東京5日的酒店。 可惜因日本突來的大災難，令A380停飛洛杉磯; 我們便轉乘國泰經香港去洛杉磯，一來機票平了20%， 二來可趁機回港數天。

第一日- 4月3日  星加坡 –〉洛杉磯 (Los Angeles) –〉聖地牙哥 (San Diego)

我們乘搭早上11點班機由新加坡經香港直飛洛杉磯，到達LAX國際機場已是同日的下午1時多。LAX國際機場比起香港同新加坡的機場就遜色得多，入境處的工作人員又慢三拍，排隊時不時有警犬巡嚟巡去。攪足一粒鐘才可去取行李，好在抽樣檢查行李無我地份，終於3點鐘出閘見到我家老闆來接機的堂妹及姪女。

在他們家稍作休息，便一棚人到Monterey Park 的唐餐館食豐富海鮮晚飯。
（搬家後-雅烏搬到博客，唔見曬D相）

晚餐過后，就由另一位住在聖地牙哥的姪女，載我們到離開洛杉磯兩個鐘頭車程的家下榻3晚。由於太累，已感覺不到時差而一覺瞓到天光。

Blog 主有喜！

Blog 主有喜！ 暫時未能巡blog, 請見諒！