胡志明市自由行手記2010…第二日 （上）

2/7/2010  星期五  晴

好野！一打開窗廉就見到太陽！一早6:30am 落酒店二樓的餐廳食早餐，7:30am 就出發步行到Sinh Tourist, 約20分鐘就到。嘩！ 人山人海！ 等到準準8:15am，工作人員就廣播叫My Tho 一日遊上車，我倆就根據座位篇號就坐，工作人員派發每人一樽水後便準時8:30am 開車，出發到美拖去！

美拖 (My Tho)在胡志明市的西南面約 70 km，約2小時車程。

美拖就是湄公河入口，抵達後，我們聯合國團友共30人便上旅遊船開始遊湄公河三角洲，黃黃的河面有很多船來回各島嶼，更有些房屋浮在水面。

參觀過當地米紙和椰子糖的生產工藝，我們便享用在一個當地的越南午餐，有很有趣既象耳魚。

午餐過后，我們便穿越湄公河，到果園享受熱帶水果，聽傳統音樂，又到所謂既養蜂場（眼見只得一個養蜂箱而已），試試天然蜂蜜。坐驢子拉車遊覽自然寧靜的小村。再坐小船沿著小溪回到旅遊船回程返碼頭。 再乘旅遊車回程返胡志明市。

這些是墳墓，每家的先人都會被贜喺他們既禾田裡。

該活動於下午5:30解散於 TheSinhTourist。我地覺得好抵玩，於是再報後日去古芝地道。

胡志明市自由行手記2010…第一日

1/7/2010  星期四  雨

TR 2322     ETD: 12:40      ETA: 13:55

經過近兩個鐘頭的飛行，抵達胡志明市機場時正下大雨。 出了海關，見到左手邊有間銀行找換，見個rate好似好高，就換咗星幣200元，但原來有charge commission 1% ， 都是有限錢，就做一次傻仔咁多啦！

為避免搭到“黑心的士”，跟手就喺隔離間Vinasun Taxi Counter 買咗taxi coupon 去酒店， 公價US$8，那位靚女職員仲親自帶領我地去到的士站，交由穿著制服的人員call部車停在我地面前，無须排隊。係米貴咗？唔緊要啦，買個方便就好！

大約半個鐘頭，就到達我地將於下榻四晚的酒店 - Liberty Central Hotel. 這間酒店真的好新，樓高11層，小型游泳池及健身室在頂樓，餐廳在2樓。房間已有心理準備的小，但麻雀雖小，卻五贓俱全，感覺很舒適。

放低行李，便去醫肚，本打算去越南通介紹既清平食館，點知因落雨擔遮，睇唔到酒店斜對面就係，反而跑咗去過 條小馬路，去咗一個好似街市既大牌檔，好多小小食檔； 見同機既新加坡人一家在一個檔口度食，咁我地又膽粗粗又學人看圖點咗牛河，雞絲麵，春卷，珍多冰和凍咖啡。凍咖啡超正，其他食物則浪費我地既quota。

醫飽肚後，問那檔主點樣去檳城市塲 (Cho Ben Thanh)，點知原來我地就已身處檳城市塲之內，真大鄉里。行過咗啲食肆，就見到好多好密集的店鋪。穿過市場，到了市場的正門 （面對住銅像）。

在市場正門的右手面，有個花園，緣住花園一直向前行，見到De Tham街，就轉左入去，行大約十個鋪位，就見到The Sinh Tourist.

The Sinh Tourist 位於 Pham Ngu Lao又稱「鬼佬街」，報名參加明天一日遊Mekong Delta Trip - My Tho 美拖 & Ben Tre - 收費: 每位VND210,000(US$11.50). 

The Sinh Tourist http://www.thesinhtourist.vn/

Address: 246-248 De Tham, Q1, HCMC. Tel: (08)836-7338/837-6833)

攪惦明天既行程，我地便雨中慢步，再穿過檳城市塲，步行返酒店。

梳洗完，雨已停，我倆便依據Blog友的介紹，步行到Blue Ginger 藍薑餐廳晚饍。它曾獲選為當地最佳越南餐廳
 

Add: 37 Nam Ky Khoi Nghia, Q1 (08) 3821 8546

食飽飽，回程時經過一條街道好光猛，好似香港既女人街咁，便行入去逛逛，原來街的盡頭就是檳城市塲的夜市。 因市場裡面5時多就收鋪，外圍小路兩旁6時就開檔，除咗賣手信衣服小飾物，仲有好多海鮮食肆，有好多地道人同遊客都食得津津有味，好，揾晚黎試下先。

胡志明市自由行手記2010…前言

點解去越南？ 因要在8月前清假3日，幾日去得邊？剛巧上網見到虎航（Tiger Airways）有promotion, 去胡志明市零機票（祇付燃油附加費同無黎頭費）。好！就決定去一個從未想去過既地方 – 胡志明市。

定好機票，就開始揾酒店，上咗好多酒店網頁，正猶疑揀邊間好？ 我家老闆就幫我縮窄範圍，叫我揀新同近市中心就得。好，再比較比較，就上https://ssl..hotels.com booked 咗 Liberty Central Hotel。

呢間酒店剛於今年三月落成，地點超方便，價錢合理。

機票（兩人）共S$294
酒店（四晚）共S$418

因語言不通，越南又無乜漢字或英文，很擔心今次既自由行會否順利， 所以早於月前已做足工課，除咗上越南通的網頁，睇“潮遊越南“，更瀏覽多個blog友既网誌。。。唉！睇得太多，到真正身在越南，就無咗份新鮮感。

http://hk.myblog.yahoo.com/love-vietnam

鬼屋 - Matilda House 明德樓

父親節午膳過後，因朋友建議到他抽到组屋的地盤看看，提起附近有一間很出名的鬼屋，我們便順道到那兒一開眼界。

這間坐落在榜鵝區的破舊建築物 - 明德樓，已有一百多年歷史。 政府曾多次試圖買下拆除發展那塊土地，但遭業權人士拒絕出售。 所以儘管在週邊都有重建計劃，它仍是獨立不倒!   其後新加坡市區重建局（URA) 於十年前便定明德樓為保育樓宇。現這屋子已荒廢及完全被鐵欄圍起來，傳聞有很多大膽的探險人士晚上偷入去都見到幽靈，傳聞那些鬼魂是以前在屋內自殺的住 客。

今天我們在遠距離觀看，發現有類似警員的人士拿著電筒在屋外巡邏。

這幅相是搜集的舊照。

而這幅是我今天所拍下的。

父親節 - 御寶軒

今天是父親節，我家老板同另外兩位身為父親的朋友和太太們一起去飲茶，與那些子女不在身邊（在外地讀書或工作）的父親們自行一起興祝父親節。

這間御寶軒位於樟宜機場T3航站樓的Crowne Plaza Hotel 內。環境清靜，點心精美。可惜因今天是父親節，飲茶要限時間，每時段只得一個半小時。

馬來西亞－吉隆坡 2010

從雲頂落山到吉隆坡市中心大約要1個多鐘頭。

因曾落過大雨，落山路途崎嶇加上路滑，揸車要份外小心。

到達酒店已1點半，我們便到附近的茶餐廳午饍。

醫飽肚，便到茨廠街 (Chinatown - Petaling Street) 一逛，飲咗久違的冰涼冬瓜茶後，便步行到Central Market逛，室内又有冷氣，是買手信的好地方。

之後，我們到酒店附近的商場購物，有Starhill Gallery, Time Square, Lot 10，金河商場等等。

　

晚饍於海外天，散步回酒店後，便到酒店內的spa做按摩，以消除整天shopping的疲勞。

翌日，食過豐富的酒店早餐，作購物的最後衝刺； 於１２點半便起程回新加坡。　

完結了我們3日2夜的雲頂，吉隆坡之旅！

後記

每次下午回程，都會遇上傾盆大雨，好彩今次能安全抵達，不像上次大雨中被後面架車撞向前，導致三車連環相撞，　我們架車做咗三文治餡。

雲頂 - 林子祥，太極演唱會

我們已有一年多無上雲頂去睇演唱會，上次係睇譚詠麟的生日演唱會。 剛巧林子祥，太極演唱會於5月8日在雲星劇場演出，一為順道慶祝母親節，二為我們的好友將辭職歸故里，我們一行4人便於8號一早揸車直踩雲頂。

Checked in Theme Park Hotel 時已一點多，放低行李便衝去醫肚。飽暖就思床褥，逛咗一陣商場，因舟居勞頓，我們便回酒店休息，充好電晚上去睇演唱會。

之後，我們便到晚上11時半才營業的food court食宵夜。睇！我地4個人，食兩褒蟹粥， 一褒雞粥，一碗叉燒雲呑麵，两碟油條，勁！

由於酒店提供的早餐麻麻，為慶祝母親節，我地好豪地喺富臨食鮑魚，翅套餐做早餐，因掛住食，唔記得影相。

食過至豪的早餐，便去賭場見識下，我家老闆好運地贏得500 credit, 哈哈，你地估下有幾多錢？

發完財，便checked out出發落吉隆坡。    (。。。。。待續）