第一次搭Air Asia， 就出事！

我們搭無數次機出門，一向都平安無事；今次第一次搭AirAsia 去檳城，就出事！

在樟宜機場check-in 時，已發覺Air Asia的柜位好有問題。 她們有四個柜位，分別去不同的目的地，去檳城的搭客們大排長龍，其他的人龍就比較短。 其後才發覺無論你去那個目的地，你只要見那條龍短，就可排那條！？  好！ 終於輪到我們四人幫，那柜位服務員叫我們把行李先放在輸送帶上磅，再放golf bags。我家老闆問她是否放那兩個球袋在那輸送帶上就可以，她點頭，咁我家老闆便把手推車放到遠處，以防阻礙交通。怎知當她貼好label後，交還護照 及登機證給我們時，就叫我們把球袋自行放到另外一個無人看管的柜位處。無咗手推車，我們唯有挾手挾腳搬那兩個死重的球袋去那柜位處，當時我們已擔心會否有 失漏。

事實證明我們的擔心係正確。在檳城機場的輸送帶上，取回行李後，等到同機的搭客都攞埋最後一件行李，輸送帶都停了，都 仲未見到那兩個球袋的蹤影。海關人員見只有我們四人幫仲未過關，便前來查問；得知我們還在等球袋，便叫我們到Air Asia的Customer Service處查看。 攪了兩粒鐘，才得知球袋還在樟宜機場那柜位處，未有登機。要搭下一班機到檳城，於旁晚6時多才抵達，為了歉意，Air Asia 會安排把球袋直接送到我們朋友家！仲等我們檳城的朋友一家揸兩架車黎接我們；還要一家大細餓到兩點多才共進午膳。  都是 Air Asia 累的事！

這是檳城的Air Asia 柜位，人潮少好多！

睇！掟個彎，兩件行李就跌咗落地，司機都無發覺，係後面位工作人員發現執番！

洗白白

星星國已踏入雨季，上星期難得有一日有太陽，便隨即替我既猫囝囝洗白白。獸醫叫我唔好成日同佢地冲涼，一個月一次就好。

我既貓囝囝好怕洗白白的。佢地好醒目

，一見佣人攞佢地專用既毛巾和開熱水爐，佢地就即閃

。洗白白之前必玩的遊戲叫捉迷藏，我們要用盡方法才可引佢地出嚟 ，分別捉佢地入浴室，一個捉住佢地，一個淋水

，搽冲涼液。唉！每次洗白白，仲慘過打仗。

困咗Mocha入廚房，MiuMiu已醒覺。。。

MiuMiu: 冲完凉，媽咪又要我罰企曬太陽，煩！

Mocha: 整到我成身濕,又要我自己舔乾

Mocha: 我唔要罰企曬太陽！

Mocha: 我要坐喺梳化吹乾

銅獅子 Miniature 版

從博學多才的Blog友貓尾處得知，置放在香港上海滙豐銀行總行 大廈門前的這兩頭雄獅，張嘴吼叫的是「史提芬」（Stephen），此名得自1920-24年的香港總行總司理史提芬（A. G. Stephen），而鑄造銅獅也來自他的倡議。另一頭銅獅稱為「施迪」（Stitt），是當時上海分行經理施迪（G. H. Stitt）的名字。近尾部，還刻有雕刻家W.W. Wagstaff 的簽名。 

銅獅子每隻重2250磅，擺放在香港的是第一對複製品； 第二對複製品在英國倫敦金絲雀碼頭（Canary Wharf, London）的滙豐集團新總部大廈門前； 第三對複製品則在上海浦東發展銀行於1997年獲得前上海滙豐銀行大樓的使用權後，照原樣鑄造了兩尊新銅獅置放在原位。 （以上資料，取自“維基百科，自由的百科全書“）

我隨夫家移民時，匯豐某人士送了這對獅子的miniature版給我們留念，現在還放在我家大門口的玄關處。這對獅子已替我家看門口十數載，直到現在貓尾提點，我才得知它們名字及背景。

這是Stephen.

這是Stitt.   

又飲水

我的大仔MiuMiu真丫了。 以前有浴缸，就要喺浴缸飲水喉水；而家得shower screen （只有花灑）， 佢就喺廚房既洗碗盤嚟飲，無佢收。

飲完水就hea.

最乖都係Mocha肥豬，祇會乖乖地坐喺到陪我睇電視（本來我都坐喺沙發，因影相要走開；其實佢見我走開，都想撇）。

貓囝囝近照

星期六，食飽飯無事做，又捉兩兄弟試機.

兩個齊齊等出去門口食貓草

食完貓草，返來hea.

食飽就瞓    

大頭相（佢地好似知我影佢地，週圍走，好難影）

影木頭好過！

貓草

我相信每隻貓都鍾意食綠色植物，等於人類的涼茶。我兩隻貓囝囝都唔例外，所以我們一直都是從花圃買貓草(S$6一盤)俾佢地食，食完無耐貓囝囝就會嘔吐，把肚子裏的毛毛都嘔埋出來，清理腸胃。唔知係唔識打理，還是貓囝囝食得粗魯，每盤貓草一個月唔夠就枯死了，又要去買一盤返來。

貓囝囝近照

雙十節在家無所事事，便拿我家老闆送俾我的新相機（話係生日禮物）來研究，當然揾咗我的貓囝囝來做model啦！

這幅未set日期。

這幅set錯日期。

呀！這幅終於set啱日期喇！