因部門同事將放4個月既產假，我要拿拿淋喺佢放假前去清我既年假，如果唔係就要等到明年先有得放。 已有4年無去過日本，舊年想乘去美國之便，停留東京數日，可惜遇上311，而要改為停留香港。 所以今次放假，都決定去我地鍾情既日本。
由新加坡直飛東京大约要7個小時，為求舒適，我地都係選擇星航A380；更預定咗樓上坐位，坐得更寬敞！
出發之前, 已看了很多人寫東京之旅的 blog，update 下新資料； 在各樣資料預備下, 終於把行程表擬定好，但最終實際情況係同我地原先計劃有所出入。
Day 1 - 20/08 (星期一) 新加坡 =〉東京新宿
我地於18:00到達東京成田機場；入境大堂人山人海。
等
咗成粒鐘，先出得去攞行李。 過咗海關，就搭電動電梯落下一層（B1), JR Ticket Office
就喺左手邊，可惜準準19:00就關門大吉， 唯有去對面既JR Counter 去排隊買NEX + Suica
來回套票，祇係5,500日圓（包括NEX來回程及2,000日圓Suica 咭）。Suica 咭
等於香港既八達通咭，去便利店及某些店鋪都可以用黎買野，唔洗攪到一袋散錢。 離開日本前仲可以攞番500日圓押金（但要扣除210日圓既手續費）。
可参考 http://www.jreast.co.jp/tc/suica-nex/index.html
由於買車票既延誤，我地搭了遲半個鐘既班車。既然仲有時間，就在Starbucks 飲杯咖啡，食件三文治。
車站就在JR Ticket Counter 既旁邊，車亦準準開車。
因今次住靠近車站既Hotel Sunroute Plaza Shinjuku, 到咗JR 新宿站，便向南口方向出閘；
出咗車站，轉右向前行，見到First Kitchen
快餐店（有個大鐘標記），向左望就係麥當勞，就過馬路向麥當勞走去，行前2分鐘就到達酒店，出入真係好方便。酒店旁边就係新宿電鐵站。
Check-in 完，放低行李， 便立即去醫肚，因太肚餓，求其就喺街口既元祖壽司去填肚， 真係油麻地。 其實行過去歌舞伎町仲多野食，更多選擇！
