人整我又整。。。。椒鹽五香大蝦

噚晚又試新菜，用air-fryer整椒鹽五香大蝦。 好香口，但有點乾，不過平時唔多食蝦既我家老闆，都幫我清曬。

人整我又整。。。。炸魚豆腐與燒雞翼

昨晚發現雪柜內有魚豆腐，又有雞翼，就利用airfryer處理佢地。

炸魚豆腐，唔洗油，一樣脆卜卜。
Pre-heat 200度3分鐘

先以180度炸一面5分鐘

反轉另一面再炸5分鐘

 

完成！

煮出黎D雞翼無油, 但一樣juicy。

先以180度煮一面10分鐘

 

反轉另一面再煮10分鐘

最開心就係家務助理，炸野無油煙，清潔又簡單。


同場加映貓囝囝近照:

MiuMiu扮到好精神，其實好眼瞓!
 

Mocha 瞓到好似屎咗！

人整我又整之。。。。燒雞髀與紅酒燴牛尾

因榨汁機壞咗，噚日去買番部，點知又買多樣廚房玩具 - air fryer，唔洗用油整煎炸野食,好健康。 一路以黎都有blog友讚好用， 但我成日心思思，怕買咗又唔用。

一返到屋企，已急不及待即刻試機，整咗雞髀。

又在Blog友Luyi處偷師整我倆最喜愛食既“紅酒燴牛尾“

有紅酒燴牛尾， 燒雞髀，配意粉，雜菜湯，加埋紅酒，食到我家老闆飽到頂心口。。。。哈哈！

情人節快樂！

願天下有情人終成眷屬, 相親相愛！
 

執子之手, 與子皆老！

 

魚生撈起

所謂"魚生撈起", 就係將三文鱼片，白蘿蔔絲，紅蘿蔔絲，沙田柚肉，甜青瓜絲，卜卜脆等，加埋蜜糖同油， 一起撈埋，取其意頭。。撈到風生水起！食時撈得越高越好！這是新加坡既新年特色菜，差不多個個新加坡人在新年都會吃。 初時我D新加坡同事反而問我“魚生撈起“係唔係由香港引入新加坡？？ 吓???

上星期立春，朋友們便相約去海鲜館食春茗。 有魚生撈起， 凍蟹，豉汁蒸白鱔，髮菜蚝豉，白焯鮮蝦，西蘭花炒帶子，瑤柱魚肚羹，清蒸石斑，炸子雞，干燒伊麵等； 食到飽飽，盛惠每人S$80。

團年夜飯

今年好朋友，波友們都好忙，唔係有親朋至遠方來，或是出門去避年; potluck團年飯攪唔成，我家老板係個鍾意熱鬧既人，不甘寂寞，就請一班剛到星上任，第一次在星過年既朋友們到舍下共聚，食團年夜飯！

因我係廚藝白癡，又第一次請新相識既朋友們食飯，我好緊張。 到處咁巡blog去偷師，終於學到以下菜式作為今年既團年夜飯獻醜宴:

年廿九菜單
1.椰子雞湯
2.薑蔥煀雞
3.蓮藕燜豬肉
4.冬菇髮菜燜蚝士   
5.乾煎大蝦
6.XO醬帶子蒸豆腐
7.生菜鮑魚
8.雜果沙律

My signature dish - 蓮藕燜豬肉

在此，我祝大家龍馬精神！ 花開富貴！身體健康！心想事成！

西式團年

我家老板認識一班在星留學生，長期在寄宿下無餐好食。 剛巧今年各家長都無暇抽空來星與他們一起過年，我家老板便趁年廿八，請他們到我家食團年飯。 攪攪新意思，我便準備西餐給呢班學生哥妹！

菜單
1.  雜果沙律
2.  羅宋湯
3.  蒜蓉炒雙蔬
4.  薯蓉牛肉批
5.  焗蜜糖雞髀
6.  意粉配鮮蘑菇醬