燭光晚餐

上星期六係我同我家老闆結婚週年紀念正日，因三月時已在香港大攪了surprise party 同收咗禮物, 所以正日就二人撐枱腳，在"The Line" 食其燭光晚餐！

執子之手，與子偕老!

人整我又整之。。。。白蘿蔔燜牛腩和蛋白杏仁糊

睇見兩位靚靚blog友整白蘿蔔燜牛腩跟蛋白杏仁糊， 已好想好想食。 向佢地取完經，於星期日一早就出去牛車水，買齊料，玩煮餸。

白蘿蔔燜牛腩
                                                                                                                                            

 材料： 白蘿蔔 2 個; 牛腩 1/2 kg (S$6); 牛筋 1/2 kg (S$8); 香料（花椒八角桂皮茴香）一包(S$0.60); 蒜片，薑片，數片

調味料： 生抽 1 湯匙；老抽 1 湯匙；蚝油 2 湯匙； 冰糖一湯匙。  （或隨意加減，因口味各不同）

我的做法：
1） 把牛腩同牛筋出水，切件
2） 把白蘿蔔切大件
3） 用蒜片，薑片起鑊，爆香牛腩同牛筋
4） 落香料，略炒
5） 落水至搇牛腩面，大火煲至水滾， 落調味料
6） 較慢火，落白蘿蔔，搇蓋
7） 慢慢燜，留意水份，若就黎乾水就加水
8） 燜至牛筋腍（約3個鐘），即可。

小插曲： 我無高壓煲，但有一個7年歷史既slow cooker。 本來開頭炒好牛腩就放落slow cooker處慢慢燜，點知好似唔滾， 貪快，就把slow cooker既瓦煲放在爐上煲，點知煲煲下成個底裂開，又要由零開始。。。

蛋白杏仁糊
                                                                                                                                             
材料： 南杏4/5 碗；北杏1/5碗； 蛋白兩個； 水4碗； 白米2/3碗；冰糖隨意。

我的做法：
1） 把白米用一碗水浸半個鐘
2） 把杏仁白鑊炒香
3） 放杏仁加一碗水落攪拌機攪拌
4） 放進“煲魚袋” 內手榨杏仁水出黎
5)  重複 2)至3） 三次
6） 把白米連水放入攪拌機攪拌
7） 把杏仁水及米水一起煲至滾
8） 把蛋白沿煲邊落，熄火
9） 完成

註： 因我家老闆比較喜歡有口感 - 杰。  所以我落重米，整鑊杰既佢嘆！ 如喜歡杏仁露，可參照 ”大傻“既做法， 我都係向佢取經架咋！

我又學大傻用杏仁渣黎磨面，磨身。 真係磨完D皮膚好潤滑啊！

人整我又整之。。。。香蕉蛋糕

今晚本來打算學整靚靚blog友既蛋白杏仁露，等我仲打電話問工課，做好準備，點知吩咐採購部（我家老闆）去買杏仁又失職。

見家里有梳蕉， 今日Jhouse又提及上次香蕉蛋糕失敗事件（上次見Jhouse整，又學人整，點知失敗記）。 好，就dick起心肝，再接再厲。

好嘢，今次成功喇！多謝你呀Jhouse師父，教我放塊鍚紙喺面先至焗， 等我個爐仔都可以焗蛋糕，真開心！好有成功感呀！

材料:
3隻熟香蕉(壓爛)
1 1/4 杯 all-purpose flour (= 5 安士)
1 tsp baking soda
1/2 tsp salt
1/2 cup sugar
1/2 cup 牛油 (= 4 安士)
2 隻蛋

做法：
1. 把焗盤掃油
2. 把all-purpose flour, soda, 鹽過篩
3. 把牛油同糖混合, 逐隻蛋加入打勻.
4. 再加入粉類拌至混合
5. 加入香蕉拌勻.
6. 倒入焗盤
7. 焗60 分鐘, 見爆口熟就成.

這是我上次整香蕉蛋糕拍下的過情

失敗記      

今晚再次整。。。。成功喇！

村屋一日遊

在我記憶中，我從未去過村屋。 最近我家老闆的老友記一家，在西貢買下一整棟村屋， 世伯伯母及其家姐住地下，其妹妹一家住二樓，好友一家則住三樓及天台。

今次回港，順道探訪他們一家及參觀新屋。 嘩！ 原來村屋係咁靚既，景色怡人。 左鄰右里，互相幫忙，成為知己，閑時一齊下海捉蟹网魚，有所收成，就一齊攪海鮮燒烤大會，暢飲寬談； 時而開艇出海兜風； 生活真寫意。

好友的寵物

中秋節快樂！

中秋節快樂！

好興奮！ 今晚返香下過生日兼過節！ 

祝大家中秋節快樂！

床頭打交床尾和

我家兩個貓囝囝常常為爭地盤瞓教而打交，由朝打到晚！打完又一齊瞓床尾。

自製月餅

真開心！ 上星期日，素有材貌相存的靚女blog友，親自送咗一盒親手做既迷你單黃蓮蓉月餅到我家給我分享。這是我於星星國20年來第2次嚐到的自製月餅，不甜不滯，好好味，好窩心。